O Complexo Hospitalario Universitario de Vigo (Chuvi) incrementará o número de prazas de Médico Interno Residente (MIR) do servizo de Pediatría e pasará das catro actuais, a sete.

Segundo recolleu a xerencia da Estrutura Organizativa de Xestión Integrada (EOXI) de Vigo nun comunicado, o Ministerio de Sanidade publicou o incremento do número de prazas MIR, que se completarán con catro de residentes en enfermaría pediátrica.

Ademais, a resolución inclúe a autorización pertinente para incorporar os centros de saúde de Mos e Teis á Unidade Docente Multiprofesional de Pediatría do Chuvi. Deste xeito, estes centros sumaranse aos de Atención Primaria que xa desenvolvían esta formación, os de rúa Cuba, Matamá, Pintor Colmeiro, Sárdoma, O Porriño, O Val Miñor, Gondomar e Redondela.