Marea de Vigo reclamará ter grupo municipal propio, a pesar de que o regulamento do pleno, aprobado en solitario polo goberno local de Abel Caballero en maio de 2016, establece un mínimo de tres edís para conformalo.
Nunha rolda de prensa, e a preguntas dos xornalistas, o portavoz de Marea e concelleira en funcións, Rubén Pérez, respondeu cun “rotundamente non” á cuestión de se estaría disposto a integrarse, xunto co segundo edil de Marea, nun grupo mixto (no que tamén estaría o único representante do BNG, Xabier P. Igrexas).
Rubén Pérez avanzou que reclamará ter grupo propio, para que se poida “visibilizar” o labor político de Marea de Vigo, e sinalou que, aínda que o regulamento do Pleno pon o límite mínimo en dous concelleiros, a normativa autonómica fixa un mínimo de tres representantes. “Sería a única cidade na que se fixese isto”, advertiu.
O portavoz de Marea lembrou que o seu grupo xa se opuxo a ese regulamento e sinalou que, se non se teñen en conta as pretensións desta formación, non descarta “ningunha vía” para defender os seus dereitos democráticos.
