InicioSucesosDetida tras nove roubos unha organización criminal na Cañiza

Detida tras nove roubos unha organización criminal na Cañiza

PUBLICADO O

- Advertisement -

A Guardia Civil detivo a tres veciños do municipio da Cañiza en relación a seis roubos con forza en vivendas, dúas en hoteis e un nun restaurante do municipio. Xa venderan no mercado de segunda man boa parte dos obxectos que subtraeran.

Segundo informou o Instituto Armado, por mor das pescudas sobre os roubos producidos durante os últimos meses, a Garda Civil da Cañiza logrou interceptar un vehículo no que circulaban dous dos sospeitosos investigados.

Os efectivos do Posto da Guardia Civil da Cañiza procederon á detención de tres veciños do municipio identificados como F.E.R., de 33 anos; M.A.P., de 31; e E.G.P., de 22, aos que se lles vincula con nove roubos con forza. Deles seis foron cometidos en vivendas e outro tres en dous hoteis e un restaurante da localidade.

Ademais dos efectos que gardaban dous dos detidos nos seus domicilios, a Guardia Civil puido recuperar outro lote de obxectos que xa foran vendidos nun establecemento de compra venda de artigos de segunda man en Vigo.

crime organizado

A planificación dos roubos que viñan cometendo baixo o mesmo modus operandi e a repartición das tarefas ou funcións de cada un deles, deu lugar a que, ademais dos delitos de roubo, atribuíseselles tamén outro ilícito penal de organización criminal, na que “dous deles eran os verdadeiros impulsores da actividade delituosa”, destacan as mesmas fontes. O terceiro era o que ía recollelos ao lugar dos feitos e trasladalos a Vigo para vender os efectos, engaden.

Os tres detidos foron postos este xoves a disposición do Xulgado de Primeira Instancia e Instrución Número 1 de Ponteareas, que decretou prisión provisional, comunicada e sen fianza, para dous deles. Pola súa banda, acordou liberdade provisional e sen fianza para o terceiro, coa obrigación de comparecer periodicamente no xulgado.

ÚLTIMAS

‘Eterno 10’: así se chama a escultura de Iago Aspas que se instalará xunto ao estadio de Balaídos

Hai futbolistas que transcenden os resultados dun partido, os títulos e as estatísticas para...

A Seguridade Social responsabiliza Stellantis por unha doenza profesional en Vigo e impón un recargo do 30 % nas prestacións

A saúde laboral volve situarse no centro do debate sobre as condicións de traballo...

Caballero di agora que “pide que o Goberno de España pague” parte das obras necesarias para ser sede do Mundial

O alcalde de Vigo, Abel Caballero, dixo este mércores que el "pide que o...

“Non permitiremos un réxime do medo”, sindicatos e movementos sociais condenan o ataque á sede de UGT de Vigo

Sindicatos, movementos sociais e partidos políticos de esquerda volveron condenar este mércores o ataque...