O titular do Xulgado do Contencioso-Administrativo número 1 de Pontevedra ditou un auto polo que considera que a sentenza de demolición da empresa pirotécnica La Gallega, propiedade do imputado pola explosión que tivo lugar en maio na parroquia tudense de Paramos, foi executada.

En concreto, os traballos de demolición termináronse en xaneiro, en cumprimento dunha sentenza que obrigaba ao Concello de Tui (Pontevedra) á derriba e cesamento de actividade da empresa, situada na parroquia de Baldráns.

Segundo precisou este municipio nun comunicado, este auto, contra o que é posible presentar un recurso de apelación, recolle así o “termo e arquivo desta peza” e considera que o Concello de Tui debe asumir os custos deste proceso.

Por iso, a Administración local anunciou que iniciará un procedemento administrativo co fin de “recuperar o gastado” na execución da sentenza.