InicioEconomíaO Porto de Vigo en 2018: aumenta o tráfico de metais e...

O Porto de Vigo en 2018: aumenta o tráfico de metais e químicos, baixan os cruceiros e a pesca

Enrique López Veiga avanzou que o Porto de Vigo acometerá unha política comercial "máis agresiva" para mellorar as súas cifras de tráfico de cruceiros.

PUBLICADO O

- Advertisement -

O Porto de Vigo pechou o ano 2018 cun incremento do 4,2 % no tráfico de mercancías, e un aumento do 2,99 por centos nos tráficos totais, que alcanzaron un volume de 4,3 millóns de toneladas.

Así o trasladou en rolda de prensa o presidente da Autoridade Portuaria, Enrique López Veiga, quen explicou que as mercancías con números positivos máis reseñables foron os metais (+53,65%), os produtos químicos (+28,15%), os alimentos (20,25%) e o granito bruto (11,64%).

Por contra, sufriron descensos os tráficos de automóbiles (-4,75%), o granito elaborado (-11,19%), a lousa (-12,32%) ou a pesca conxelada (-4,42%). Con respecto á pesca fresca, 2018 pechou tamén con resultado negativo, cun descenso do 12,34%, vinculado, segundo López Veiga, ao menor volume de cotas da flota.

Porto de Vigo/ Miguel Núñez

O tráfico de colectores, por outra banda, creceu un exiguo 0,32% (en canto ao número TEUs que se moveron na terminal viguesa); mentres que o tráfico de cruceiros, en número de escalas, descendeu un 4% por cento con respecto a 2017, aínda que creceu un 13 por cento o número de visitantes (pasaxeiros e tripulantes).

A este respecto, Enrique López Veiga avanzou que o Porto de Vigo acometerá unha política comercial “máis agresiva” para mellorar as súas cifras de tráfico de cruceiros, e apostou por “traballar con turismo de Galicia e co Concello” para aumentar o atractivo do porto olívico como destino.

Finalmente, a conta de resultados do Porto presentou un incremento do 19,6% na cifra de negocio con respecto ao ano anterior, cun resultado de explotación de case tres millóns de euros.

ÚLTIMAS

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...

De Baiona a Bruxelas: a iniciativa cidadá que cambiará a seguridade infantil nos coches europeos

Pedro Telmo, veciño de Baiona, impulsou unha campaña en Change.org que superou as 62.500...