O sindicato CC.OO xa presentara hai ano e medio o proxecto para converter o antiguo Hospital Cíes nunha residencia para persoas da terceira idade con dependencia, contando, polo menos na teoría, co apoio de tódalas grandes forzas políticas da contorna de Vigo, PSOE, PP e Marea de Vigo.

Mais aínda hoxe este proxecto non é unha realidade. Por iso, desde a central sindical concentráronse este venres no Concello de Vigo, presentando esta moción para o próximo Pleno municipal.