Correos emite este mércores o selo “Cidades do Nadal. Vigo”, que se pon en circulación dentro da serie “Nadal 2026”, que inclúe emisións relacionadas con costumes, simbolismo e patrimonio: desde beléns ata escenas de cidades de Nadal, pasando por tradicións ancestrais.

Segundo trasladou a entidade, Vigo e as súas luces son as protagonistas do novo selo, cun valor de Tarifa A — válido para envíos nacionais — e unha tiraxe ilimitada. A emisión pode adquirirse nas oficinas de Correos, a través de Correos Market, contactando co Servizo Filatélico en atcliente.filatelia@correos.com, ou chamando ao 915 197 197.

O selo amosa unha das estampas de Nadal máis emblemáticas de Vigo: a Porta do Sol iluminada e, no centro, a gran árbore de Nadal.