Un home de 54 anos perdeu a vida na tarde deste pasado domingo en Mos tras rexistrarse supostamente unha pelexa de tráfico na autovía A-55, na zona de Tameiga, en sentido Vigo. Por estes feitos, a Garda Civil detivo nas últimas horas outro home.
Segundo fontes do 112 Galicia consultadas por Europa Press, varios particulares alertaron pedindo a intervención das forzas da orde ao presenciar unha posible pelexa entre dous coches, que estaban detidos no arcén á altura do quilómetro 10 da devandita vía. Por iso, deuse aviso ao 061, á Garda Civil e á Policía Local.
Fontes do 061 informaron a Europa Press de que un home, G.F.R., de 54 anos, foi trasladado en ambulancia ao Álvaro Cunqueiro polos feitos ocorridos. Porén, fontes da Benemérita só confirmaron o falecemento do home e aseguraron que se está a investigar o sucedido e que polo de agora se descoñecen as causas da morte, xa que se agarda polo resultado da autopsia. Ademais, explican que se produciu a detención dun home polo acontecido este domingo.
