Salvamento Marítimo tivo que remolcar dúas embarcacións durante a madrugada deste martes en Galicia por diferentes problemas, unha en Vigo e outra na Pobra do Caramiñal.

Por un lado, o centro de Salvamento de Vigo mobilizou a embarcación auxiliar do “María de Maeztu” para remolcar unha embarcación que quedou sen máquina entre o porto deportivo de Punta Lagoa e o porto de Guixar, en Vigo.

Por outra banda, o 112 advertiu de que unha embarcación con dúas persoas non podía achegarse á costa pola néboa entre Escarabote (Boiro) e A Mercé (Pobra do Caramiñal). O barco estaba sen VHF e coa batería do móbil a piques de esgotarse. Mobilizouse a Salvamar Pollux, que os remolcou ata o porto da Pobra do Caramiñal.