Ecoloxistas en Acción solicitou unha investigación exhaustiva para coñecer a orixe dos repetidos episodios de contaminación rexistrados nas praias do concello pontevedrés de Redondela durante este verán. Nun comunicado, os ecoloxistas lembraron que en xullo a praia de Arealonga rexistrou ata dous episodios de contaminación microbiolóxica. Despois, na A Punta tamén se prohibiu o baño ao detectarse na auga bacterias E.coli.

“O problema fundamental non está só nestes episodios concretos, senón en que este tipo de situacións se repita”, lamentaron. A organización dixo non ter constancia de que se estea a facer unha investigación ao respecto, e pediu revisar o estado das infraestruturas de saneamento e depuración, entre outras actuacións.