Os servizos de emerxencias atoparon o cadáver dun home este venres nunha fervenza, no municipio pontevedrés de Redondela. Segundo informou o 112, tiveron coñecemento do suceso arredor das 12.20 horas. Foron varios particulares os que deron o aviso, indicando que atoparan o corpo ao fondo da Fervenza da Feixa, na parroquia de Reboreda.

Ao lugar desprazáronse o 061, os Bombeiros de Redondela, o GES de Mos, a Policía Nacional e Protección Civil de Redondela. Unha vez alí, recuperaron o corpo da persoa falecida, que se atopaba nunha zona de doado acceso.