Unha muller perdeu a vida este mércores tras sufrir unha caída nun pozo no Camiño da Devesa, na parroquia viguesa de Saiáns. Segundo indicaron os axentes da Policía Nacional ao 112, as primeiras hipóteses apuntan a que a muller realizaba tarefas de limpeza no pozo cando caeu sobre o botón do sistema automático de subida e baixada do caldeiro e recibiu unha descarga eléctrica que lle provocou o falecemento.

Foi o persoal de Urxencias Sanitarias de Galicia-061 quen, sobre as 17.50 horas, solicitou axuda ao 112 Galicia para sacar á muller, que se precipitou ao pozo e non podía sacala porque se había electrocutado. A continuación, un particular informaba á central de emerxencias de que xa lograran sacar á vítima do interior do pozo e que a estaban reanimando, pero finalmente nada puideron facer por salvarlle a vida.