O Consorcio Casco Vello de Vigo anunciou que planifica xa a reforma doutro seis edificios cunha vintena de vivendas de protección autonómica.

Así, a delegada territorial da Xunta en Vigo e presidenta do Consorcio Casco Vello, Ana Ortiz, asistiu este luns ao consello de administración da entidade, no que se aprobaron as contas anuais para 2026.

En concreto, Ortiz indicou que o Casco Vello xa traballa con catro novos proxectos para rehabilitar inmobles en mal estado na parte baixa do centro histórico da cidade: nos números 7, 9, 25 e 27 da Ribeira do Berbés, onde se construirán ata 12 novas vivendas.

“O traballo feito durante os últimos 20 anos para a recuperación do barrio histórico vai ter continuidade, porque o noso compromiso é firme e imos seguir nesta liña para que o Casco Vello teña unha rehabilitación integral no menor tempo posible e tamén achegue novas vivendas para os veciños“, engadiu Ortiz.