Unha persoa resultou ferida na tarde deste venres ao saírse da vía e chocar contra o muro dun edificio na avenida do Aeroporto, en Vigo. Segundo informou o CIAE 112 Galicia, o accidente tivo lugar as 18,00 horas e particulares sinalaron que había atrapados. Por iso, mobilizouse ao Servizo de Urxencias Sanitarias de Galicia-061, aos Bombeiros de Vigo e á Policía Local.

Con todo, o ferido non tivo que ser excarcerado, xa que se atopaba liberado antes da chegada da dotación de bombeiros. O persoal sanitario tivo que realizar manobras de reanimación antes de que a persoa fose trasladada ao hospital de referencia.