O Concello de Vigo reforzou o servizo de atención ao público para “atender ao gran número de persoas estranxeiras” que están a acudir ao consistorio para realizar os trámites necesarios para iniciar o seu proceso de regularización.

Así o trasladaron fontes municipais, que sinalaron que, a pesar da “masiva afluencia”, o servizo estivo funcionando “con axilidade” grazas á “previsión” do Concello. Deste xeito, hai dous novos ‘portelos’ no Rexistro e catro traballadores públicos no servizo de Estatística (padrón) para atender a estar persoas. Estas medidas “permiten atender a máis xente e ampliar as citas diarias de modo considerable”.