Os aeroportos de Vigo e A Coruña funcionan “con normalidade” na xornada deste luns, na que é o cuarto día de folga indefinida dos controladores aéreos, segundo informaron fontes de Aena.  Este luns cúmprense catro días do paro indefinido convocado polos sindicatos USCA (Unión Sindical de Controladores Aéreos) e CC.OO. que denuncian escaseza de persoal, deterioración das condicións laborais e impacto na seguridade operacional.

A folga afecto ás torres de control xestionadas pola empresa Saerco, no caso de Galicia, as dos aeroportos de Peinador e Alvedro, mentres que no resto de España están afectadas as terminais de Jerez de la Frontera, Madrid-Catro Ventos, Sevilla, El Hierro, Fuerteventura, Lanzarote e La Palma. Con todo, os sindicatos denunciou que, en Galicia, a folga queda sen efectos prácticos debido a uns servizos mínimos do cento por cento, que cualificaron como “abusivos”.