A banda irlandesa The Corrs regresará a España no mes de agosto con catro concertos que ofrecerá en Sant Feliu de Guíxols (Xirona), Vigo, Jerez de la Frontera (Cádiz) e Mallorca, segundo informou a produtora. A formación integrada por Andrea, Sharon, Caroline e Jim Corr presentará un directo no que repasarán algunhas das cancións máis emblemáticas do seu repertorio.
O grupo tocará no festival de Porta Ferrada en Xirona o 9 de agosto; o día 11 no Auditorio de Castrelos de Vigo; o 13 no Tío Pepe Festival en Jerez de la Frontera e o 15 de agosto no Festival Es Jardí en Mallorca. Coa súa mestura de pop e folk celta, The Corrs consolidáronse como un dos fenómenos musicais internacionais de finais dos 90 e principios dos 2000, conquistando ao público de todo o mundo con temas como Breathless, Runaway ou What Can I Do.
