Un traballador tivo que ser evacuado en helicóptero tras sufrir varios cortes cunha motoserra nas illas Cíes. Segundo a información do 112 Galicia, o suceso produciuse pasadas ás 19.20 horas deste luns e foi un particular o que deu a voz de alarma.

A central de emerxencias avisou a Urxencias Sanitarias de Galicia-061 e á Policía Nacional de Vigo. Así, tras valorar a situación, solicitaron a evacuación do ferido, que permaneceu consciente durante o operativo. Por iso, informaron a Salvamento Marítimo e ao Servizo de Gardacostas de Galicia, que mobilizou ao persoal a bordo do helicóptero de rescate e encargáronse de evacuar ao ferido.