Un incendio nun garaxe anexo da Escola de Enxeñaría Industrial de Vigo, no campus da UVigo en Lagoas-Marcosende, arrasou por completo un vehículo desenvolto polos estudantes.

Tal e como informou o 112 Galicia un particular deu o aviso ao redor das 1:55 horas da madrugada de que estaba a arder un garaxe anexo ao edificio de industriais. Ata alí desprazáronse os Bombeiros de Vigo, a Policía Nacional e a Policía Local. Os bombeiros lograron extinguir o incendio, que non se chegou a propagar ao edificio.

Así mesmo, puideron confirmar que o que ardeu foi un prototipo dun vehículo feito polos estudantes. Non houbo ningunha persoa ferida no suceso.