Axentes da Policía Local interceptaron o pasado mércores pola tarde a un menor de 13 anos de idade conducindo o coche da súa nai, un vehículo que ela deixara parado sobre a beirarrúa, co motor en marcha, mentres ía recoller unha compra.

Os feitos ocorreron na rúa Aragón, cando un axente fóra de servizo que circulaba pola zona observou un turismo ao seu lado, conducido por un mozo que aparentaba ser menor de idade. O axente deu aviso ao 092 e unha patrulla trasladouse ao lugar. Á súa chegada, os axentes observaron ao neno circulando marcha atrás uns 150 metros, realizando unha manobra antirregulamentaria e “constituíndo un perigo para o resto dos usuarios da vía” e para el mesmo.

Os policías interceptaron o coche e comprobaron que no seu interior só estaba o menor, ao volante. No momento da intervención presentouse no lugar a titular do coche, nai do neno, e cun elevado estado de nerviosismo explicou que parara o seu vehículo sobre a beirarrúa, co motor en marcha, para recoller unha compra, deixando ao seu fillo de 13 anos no asento do copiloto.

A Policía Local trasladou que, “evidentemente o menor carece de ningún tipo de habilitación para conducir e a responsable do vehículo puxo coa súa acción nun clara situación de risco e desprotección, tanto ao menor como a terceiros usuarios da vía”. Por iso, os axentes encargados da Seguridade Víal, darán conta dos feitos sucedidos ás autoridades xudiciais competentes.