As malas condicións meteorolóxicas levaron a suspender o transporte de ría en Vigo, onde só operaron algunhas conexións á primeira hora entre a cidade olívica e os portos de Cangas e Moaña.

Así, o servizo a Cangas estivo a operarse cada media hora entre as 7.00 e as 10.00 horas, e quedou cancelado desde esa hora; mentres que, desde as 10.30 horas, quedaron suspendidas todas as saídas da ruta Vigo-Moaña.

A provincia de Pontevedra está afectada por aviso laranxa no litoral, debido a choivas, vento e ondada; e a alerta é vermella no interior da provincia por choivas.