Un arrastreiro con pavillón español e porto base en Vigo localizou o cadáver dun home entre os seus aparellos mentres faenaba fronte a Arxentina, en augas internacionais. Segundo fontes do sector na zona consultadas por Europa Press, o corpo foi achado na xornada do mércores cando o buque procedeu a izar a rede e localizou o corpo do home, posiblemente de orixe chinesa.

Polo momento, o buque segue faenando á pota en augas internacionais onde se atopa un gran número de embarcacións, algunhas delas galegas, pero a maioría son poteros chineses. Con todo, fontes da Consellería do Mar consultadas por Europa Press, detallan que o barco está á espera para realizar o transbordo do corpo do home.