O Ministerio de Transportes e Mobilidade Sustentable anunciou que a partir das 08:00 horas do próximo luns 12 de xaneiro producirase o corte total da calzada esquerda da autovía VG-20, en sentido Vigo. Esta medida débese ás obras que se están a realizar no viaduto de Porto e ten como obxectivo permitir a liberación do taboleiro que se reparará durante a primeira fase, garantindo así a seguridade tanto de traballadores como de usuarios.

Para asegurar a fluidez da circulación, realizarase o desvío do tráfico da calzada esquerda cara á dereita (sentido Portugal) entre os quilómetros 9,60 e 10,1 da autovía. Segundo trasladou o Goberno de España, estas afectacións manteranse previsiblemente ata finais de 2026. O Executivo central destacou que investiu 5.475.143,05 euros nestas obras, destinadas a reforzar a estrutura e substituír os pretís do viaduto.