Abel Caballero ofreceu este mesmo luns unha rolda de prensa trala súa reunión coa Fundación ProVigo. Sobre a mesma, declarou que os empresarios vigueses solicitan unha prórroga no alumeado de Nadal.

“O impacto das Luces e da publicidade do Nadal en Vigo non ten precedentes na historia da cidade. Esta fin de semana era imposible atopar un sitio para cear en ningún lugar”, engadiu o rexedor.

“Antonte estaba cun vigués que vive en Londres e contaba como viviu en directo o alumeado de Nadal de Vigo desde a BBC One”, celebrou.