O Ministerio de Facenda prohibiu atracar na a ría de Vigo a un buque arrastreiro ruso con peixe afectado polas sancións europeas, que pretendía chegar á costa galega este venres. Segundo fontes da Dirección Xeral da Mariña Mercante consultadas por Europa Press, o barco, denominado ‘Novaya Zemlya’, ten bandeira rusa pero adoita descargar en Vigo alimentos exentos de sancións.

Con todo, nesta ocasión Aduanas impediu a súa descarga debido a transportar gallineta irlandesa, un peixe que si está prohibido na actualidade para barcos rusos, polo que se lle impediu o acceso a porto.

Desde a Mariña Mercante reivindicaron que se o buque solicitase abrigo por motivos de seguridade, si podería acceder, “pero non é o caso”, apuntaron. Anteriormente denominado ‘Praia de Arneles’, o barco posuía bandeira española ata 2007. Na actualidade pertence a un armador ruso participado por un grupo galego.