Axentes da Policía Nacional de Vigo detiveron a un home como suposto autor dunha tentativa de roubo con violencia e intimidación, tras ser sorprendido no interior dunha das casetas do mercadillo do Nadal da Alameda.
Segundo informaron fontes policiais, o sospeitoso logrou entrar na caseta tras forzar a porta de acceso, pero foi sorprendido por un dos vixiantes de seguridade que se atopaba de servizo. Este traballador conseguiu retelo ata a chegada da Policía.
Precisamente, cando chegaron os axentes, o presunto ladrón emprendera a fuxida, correndo entre as casetas da praza, despois de zafarse do vixiante golpeándolle cunha barra metálica. Con todo, finalmente os policías conseguiron darlle alcance e detelo. O home foi posto posto a disposición xudicial.
Desde a Comisaría de Vigo puxeron en valor a colaboración dos vixiantes de seguridade privada, que é “un alicerce esencial para garantir a seguridade cidadá e protexer os espazos públicos”. Neste caso, o traballador actuou rapidamente e permitiu a detención do sospeitoso.
