Axentes da Policía Nacional da Comisaría de Vigo desarticularon a un grupo criminal dedicado ao tráfico de drogas, e detivo a tres persoas, ademais de efectuar rexistros en Vigo yt Gondomar, onde se incautou de máis de medio quilo de heorína, marihuana, diñeiro en efectivo e outros materiais utilizados para a manipulación e distribución da droga.

Segundo informaron fontes policiais, as primeiras investigacións levaron a cabo en abril pasado por parte da Unidade de Drigas e Crime Organizado (UDYCO), tras ter coñecemento da existencia dun punto de venda de drogas na zona das Travesas.

Alí, desde a habitación dun hostal onde se hospedaba, un home dedicábase á distribución de cocaína, heroína e marihuana, e a súa actividade estaba a xerar problemas de convivencia no barrio.

As pescudas permitiron tamén descubrir a quen era o seu provedor, un home que vendía a droga desde a súa vivenda unifamiliar en Gondomar (Pontevedra). Este home fornecía cocaína, heroína e marihuana a traficantes de Vigo, especialmente na zona de Valladares, e da comarca.

Este xoves levaron a cabo as detencións e os rexistros simultáneos da habitación do hostal e da vivenda de Gondomar. No hostal, os axentes detiveron ao sospeitoso e interviñéronlle 3 gramos de heroína, 40 gramos de haxix, unha báscula de precisión e diversos útiles para a venda por dose da droga.

Ao mesmo tempo, a Unidade de Prevención e Reacción (UPR) da Policía Nacional entrou na vivenda de Gondomar. Neste operativo utilizáronse drones, debido a que a casa se atopa nun terreo rural, para poder facer un recoñecemento máis exhaustivo da zona.

Durante a entrada, a parella do sospeitoso tratou de obstaculizar o labor policial, mentres que o home lanzou pola xanela un paquete que contiña medio quilo de heroína. Ambos foron detidos.

No rexistro interviñéronse, ademais da heroína, 20 gramos de marihuana, uns 4.000 euros en efetivo, cafeína para o corte do estupefaciente, básculas de precisión, tres cartuchos de 9 mm, un machete e un patinete eléctrico. Os detidos foron postos a disposición xudicial este venres.