Os servizos de emerxencia están a buscar a María L.S.X., unha muller de 55 anos de idade, desaparecida desde o pasado sábado, día 15 de novembro, na cidade de Vigo.

A asociación SOS Desaparecidos emitiu unha alerta coa descrición da muller. María L.S.X. é de complexión delgada e ten unha estatura de 1,57 metros. Como sinais distintivos, o seu cabelo é negro con matices vermellos e os seus ollos son verdes azulados.

A familia e as autoridades solicitan a colaboración cidadá para localizala. Por iso, piden que se alguén ten algún dato do seu paradoiro, que se poñan en contacto co número 868 286 726 ou que envíen un correo electrónico a ‘info@sosdesaparecidos.es’.