A falta de visibilidade obrigou a regresar a Madrid ao piloto do voo de Iberia procedente de Madrid e con destino o aeroporto vigués de Peinador, á primeira hora da mañá deste martes.

Segundo confirmaron fontes da aerolínea, o voo IB465 con chegada prevista a Vigo ás 8,40 horas finalmente non puido aterrar na terminal viguesa debido á falta de visibilidade, e a nave acabou regresando ao aeroporto de Madrid-Barallas Adolfo Suárez.

Con todo, o voo de Iberia con chegada ás 12,50 horas aterrou sen novidade en Vigo, e tamén se operou sen incidencias a saída de Peinador en dirección a Madrid das 13,15 horas.