O dono dun boleto de ‘La Primitiva’ validado en Vigo percibirá máis de 1,2 millóns de euros ao ser o único acertante de Primeira Categoría no sorteo celebrado este xoves, segundo informou Lotarías e Apostas do Estado.

En concreto, o gañador recibirá un total de 1.254.694,14 euros. O boleto foi validado no Despacho Receptor número 88.225 de Vigo, situado na estrada Bembrive, 226. A combinación gañadora do sorteo de ‘La Primitiva’ celebrado este xoves, 14 de agosto, estivo formada polos números 7, 11, 16, 36, 43 e 12. O número complementario é o 26, o reintegro o 2 e o Joker, 8891458. A recadación ascendeu a 11.291.185,00 euros.

No sorteo da Primitiva de hoxe non existen boletos acertantes de Categoría Especial (seis acertos máis reintegro), polo que co bote xerado que se porá en xogo no próximo sorteo da Primitiva, onde un único acertante de Primeira Categoría con Categoría Especial podería gañar 53.500.000,00 euros.