Un home de 47 anos de idade, foi detido na madrugada do pasado sábado en Vigo tras supostamente golpear á súa parella e furtarlle o móbil. Tal como informa a Policía Local nun comunicado, os feitos ocorreron sobre as 01.20 horas na rúa Conde de Torrecedeira, onde unha persoa alertaba dunha presunta agresión dun home a unha muller.

Unha vez no punto, a suposta vítima explicou que estaba a pasear coa súa parella cando se iniciou unha discusión, da que foi testemuña a súa filla de 17 anos de idade. Nun momento dado, o home comezaría a porse agresivo, collendo a muller o móbil para chamar á Policía, recibindo un golpe na man que fixo que o seu terminal caese ao chan.

Nese instante, foi a menor a que realizou a chamada, fuxindo o home ao portal da vivenda. Por isto, os axentes accederon ao piso, pero non estaba aí, atopándoo finalmente no rellano escondido. Así, foi detido como presunto autor dun delito de violencia de xénero.