O alcalde de Vigo, Abel Caballero, visitou este venres o novo parque de bombeiros de Esturáns, asegurando que abrirá “en 10 días”.

Ante os medios de comunicación, o rexedor puxo en valor estas novas instalacións, que se atopan nunha localización “magnífica” en pleno barrio de Coia, preto do Porto, que é “un potencial xerador de atención” dos bombeiros.

El lembrou que este parque substituirá ao que estaba en Balaídos, que era unha “cochambre” e daba “náuseas”, cumprindo así un “compromiso” do goberno local.

Tras felicitar aos arquitectos, á empresa que realizou a obra e demais responsables do proxecto, Caballero dixo que está pendente a chegada de mobiliario, polo que se prevé que o parque estea operativo “en 10 días”.