A Fiscalía pide 4 anos de cárcere para dúas persoas acusadas de tráfico de drogas, e que foron sorprendidas pola Policía nun coche levando encima case 20 gramos de cocaína, máis de 23 gramos de haxix e máis de 1.400 euros. O xuízo por estes feitos celebrarase este mércores na sección quinta da Audiencia Provincial de Pontevedra, con sede en Vigo.

Os feitos ocorreron, segundo o escrito de acusación pública, en xullo de 2023, cando a Policía puido comprobar unha transacción de droga por diñeiro realizada por unha das persoas acusadas no seu domicilio. Alí, vendeu a un comprador unha dose de cocaína.

Ao día seguinte, esa persoa saíu no seu coche e, no cruzamento das rúas Jenaro de la Fuente e Travesía de Vigo, recolleu ao segundo acusado, de nacionalidade colombiana. A Policía estaban a vixialos e, ao cabo dun intre, interceptounos en Vía Norte.

No rexistro do vehículo e dos sospeitosos, os axentes incautáronse de 33,38 gramos de resina de cannabis (haxix), e varios envoltorios que contiñan un total de 19,3 gramos de cocaína, ademais dunha báscula de precisión, un caderno con anotacións, dous teléfonos móbiles e máis de 1.400 euros entre os dous acusados. Por estes feitos, a Fiscalía acúsaos de tráfico de drogas e pide para cada un deles 4 anos de cárcere e multa de 6.000 euros.