A condutora dun autobús, E.C.N., de 46 anos de idade, resultou ferida este martes cando manobraba para saír dunha nave na parroquia de Lavadores, en Vigo, segundo informou o CIAE 112 Galicia. O accidente ocorría á primeira hora deste martes e o 112 tivo constancia sobre as 6.45 horas a través dos profesionais de Urxencias Sanitarias de Galicia.
Segundo sinalaban, o autobús, ocupado unicamente pola condutora, quedou nun desnivel cando o chofer manobraba para saír dunha nave da rúa Severino Cobas. Ao lugar desprazáronse, ademais da Policía Local, efectivos de bombeiros de Vigo, que axudaron á muller a abandonar o vehículo. O 061 trasladou ao lugar unha ambulancia de soporte vital avanzado e outra de soporte vital básico. Precisamente, esta última, levou á ferida ao hospital Povisa, despois de recibir unha primeira atención polos profesionais sanitarios no punto.
