Volkswagen, Stellantis e outros fabricantes de coches foron multados con 458 millóns de euros polo cartel den reciclaxe na UE.

Volkswagen, Stellantis e outros trece fabricantes de automóbiles e a súa asociación de automóbiles foron multados este martes por un total de 458 millóns de euros polos reguladores antimonopolio da UE por participar nun cártel de reciclaxe de vehículos.

A Comisión Europea, que investigou ás empresas hai tres anos, dixo que o cártel, no que participaban vehículos ao final da súa vida útil, tivo lugar entre maio de 2002 e setembro de 2017, coa participación e colaboración da asociación de fabricantes de automóbiles ACEA que organizou reunións e contactos entre as empresas.

A reciclaxe de vehículos ao final da súa vida útil é cando os coches son desmantelados e procesados para a súa reciclaxe e eliminación unha vez que xa non son aptos para o seu uso.

Que facía o cártel?

A investigación revelou que os fabricantes acordaron durante 15 anos (2002-2017): 
Non pagar ás empresas de desguace polo procesamento de vehículos vellos, a pesar de que a lexislación europea os obriga a asumir estes custos. 

Ocultar información sobre a porcentaxe de materiais reciclados nos coches novos, evitando así que os consumidores puidesen comparar a sostenibilidade entre marcas. 

Coordinar contratos cos desguazadores e compartir datos sensibles, co obxectivo de limitar a competencia. 

O cártel acordou non pagar (ou pagar menos) a estes centros, trasladando ilegalmente o custo aos desguazadores e, en última instancia aos consumidores.

Controlar o mercado de pezas usadas

Limitaban a competencia entre desguaces: 
Acordaron prezos baixos para as pezas reutilizables (como motores ou chasis). 

Bloquearon a venda de compoñentes a terceiros (por exemplo, talleres independentes). 

Compartiron datos confidenciais (como volumes de chatarra ou metais recuperables) para evitar que uns desguaces ofrecesen mellores condicións que outros. 

Obstaculizar a innovación verde. O cartel retrasou tecnoloxías de reciclaxe avanzado (como a recuperación de baterías ou plásticos) para non asumir custos adicionais. 

Por que foi grave?

Dano medioambiental: Menos reciclaxe real do declarado. 

Engano ao consumidor: Os compradores crían que os seus coches eran “verdes” cando non o eran. 

Prexuízo aos pequenos desguaces: Moitos quebraron ao non poder negociar libremente. 

Por que Stellantis recibiu unha multa tan alta?

Por volume de negocio. As sancións calculáronse en base ao número de vehículos afectados e a duración da infracción. Stellantis, como un dos maiores grupos do sector, tivo unha participación destacada. 

“Non toleraremos cárteles de ningún tipo, e iso inclúe aqueles que suprimen a concienciación dos clientes e a demanda de produtos máis respectuosos co medio ambiente”, dixo a xefa antimonopolio da UE, Teresa Ribera, nun comunicado.

A multa de Volkswagen foi a maior con 127,69 millóns de euros, seguida de Stellantis cun total de 99,5 millóns de euros (logo da reduccióndo 50%) , Renault-Nissan en 81,46 millóns de euros e Ford con 41,46 millóns de euros.

Outros membros do cártel sansionados son: Toyota, Mitsubishi, Honda, Hyundai, Jaguar Land Rover, Mazda e Volvo.
Mercedes-Benz evitou unha multa por alertar aos axentes da UE sobre o cartel.

A ACEA foi sancionada con 500.000 euros.

Todos os fabricantes de automóbiles admitiron un delito a cambio dunha redución do 10% das súas multas.

Nun comunicado, Stellantis recoñeceu a decisión do organismo de competencia da UE, despois de que colaborara na investigación para reducir a sua multa nun 50% que superaba os 150 millóns de euros.

A sanción de Stellantis xa aparece reflexada nos resultados do ano 2024 da compañía.