A Policía Local de Vigo detivo nos últimos días a dous homes sobre os que pesaba unha orde xudicial de procura e arresto. A primeira intervención levouse a cabo o pasado domingo, día 16 de marzo, cando os axentes observaron a un home na rúa García Barbón que portaba unha bolsa do hospital e mostraba unha actitude esquiva tras decatarse da presencial policial.
Por iso, déronlle o alto para comprobar se se escapou dalgún centro médico, sendo O.E.T.A. de Perú e 42 anos de idade. Así, ao cotexar os seus datos, os funcionarios decatáronse de que figurada sobre el unha orde de detención ditaminada por un xulgado de Barcelona, sendo arrestado e posto a disposición da autoridade competente. Así mesmo, este pasado mércores na rúa Aragón unha patrulla decatouse dun home con actitude evasiva, dándolle así o alto. Tratábase de L.C.L. de Vigo e 45 anos de idade, sobre o cal había unha orde de procura, detención e personación do Xulgado do Penal número 1 da cidade.
