A Policía Local de Vigo detivo o pasado martes, día 25 de febreiro, a R.F.L.D., de Pontevedra e 36 anos de idade, ao cal lle constaba unha orde de arresto dun xulgado pontevedrés.

Segundo informa devandito corpo de seguridade, os feitos ocorreron uns minutos despois das 12.00 horas, cando os axentes recibiron unha alerta dun enfrontamento entre particulares en García Barbón. Unha vez no punto, identificaron aos implicados no altercado.

Así, pescudaron que contra un deles había unha orde de procura, detención e presentación do Xulgado de Instrución número 1 de Pontevedra. Por iso, procedeuse ao seu arresto e posta a disposición da autoridade competente en cumprimento do mandato xudicial.