A Fundación Provincial Banco de Alimentos de Vigo busca preto de mil voluntarios para a súa primeira operación quilo do ano, o Zampakilos Solidario para os próximos 14 e 15 de marzo.
Esta iniciativa volverá desenvolverse en formato mixto, xa que poderán entregarse achegas físicas en tenda ou económicos ao pasar por caixa. Segundo informou a Fundación, haberá “marea azul” en establecementos de Vigo, Pontevedra, Baiona, Nigrán, Cangas, Moaña, Bueu, Marín, Redondela, Arcade, Porriño, Mos, A Guarda, Vilagarcía, Cambados, Vilanova, Catoria, Vilalonga, Ribadumia e Lalín.
Participarán na acción tamén máis de 15 centros educativos, ademais de distintos colectivos de inclusión e axentes na reserva da Subdelegación de Acción Social da Comandancia da Garda Civil de Pontevedra.
Para ser voluntario hai que darse de alta en ‘https://bancoalimentosvigo.org/faiche-voluntari/‘ ou chamar ao 986 26 30 22.
