O alcalde de Vigo, Abel Caballero, anunciou que o Concello proporá tamén a praia do Mende, situada no barrio de Teis, para conseguir ata 13 Bandeiras Azuis este verán. Nun audio difundido aos medios de comunicación, o rexedor avanzou que o municipio presentará este ano 18 candidaturas para os galardóns de bandeira e carreiro azul.
En concreto, o areal do Mende únese ás 12 que xa conseguiron Bandeira Azul o ano pasado: O Adro, en Bouzas; A Punta; Carril; Santa Baia; A Fonte; Argazada; Samil; Fontaíña; O Vao; Canido; Fortiñón, e Rodas, nas Illas Cíes. Ademais, o Concello presentará cinco candidaturas para o recoñecemento de Carreiro Azul: a ruta entre Faros de Cíes, a senda entre Bouzas e Canido, a senda litoral da Guía, a Vía Verde e a Senda do Lagares
