A hemeroteca do Faro de Vigo é un tesouro cultural e histórico que contén unha rica colección de publicacións periódicas que datan desde o século XIX. Esta valiosa fonte de información é un patrimonio que debe ser accesible a todos os veciños e os investigadores que buscan coñecer a historia da nosa cidade e a nosa rexión.

Con todo, actualmente a hemeroteca do Faro de Vigo atópase en mans privadas e o seu acceso é limitado. Isto é un obstáculo para aqueles que desexan consultala para fins de investigación ou simplemente para coñecer a historia da nosa cidade.

O Faro de Vigo percibe anualmente un orzamento enorme por parte do Concello de Vigo. A cambio deste xeneroso financiamento, cremos que o Faro de Vigo debería poñer a hemeroteca ao dominio público ou, polo menos, poñela ao dispor de todos os cidadáns de forma gratuíta e en liña, do mesmo xeito que o fixeron outros medios de comunicación como ABC ou La Vanguardia.

Ademais, tamén cremos que o Diario Pueblo Gallego, que é de propiedade do Concello de Vigo, debería tomar medidas similares para poñer a súa hemeroteca ao dispor do público. Isto non só sería unha forma de democratizar o acceso á información, senón tamén de promover a investigación e o coñecemento da nosa historia local.

A adquisición da hemeroteca do Faro de Vigo por parte do Concello de Vigo ou e o seu dispor ao público sería un paso importante para preservar o noso patrimonio cultural e histórico. Sería un investimento na cultura e a educación dos nosos veciños e unha forma de promover a investigación e o coñecemento da nosa historia local.