A asemblea extraordinaria do Padroado da Fundación Provincial Banco de Alimentos de Vigo elixiu por unanimidade a José Ramón Santamaría como novo presidente da entidade, tras o recente falecemento do seu predecesor, Iván Martínez.

Nun comunicado, Banco de Alimentos puxo en valor o traballo de Santamaría, que estivo vinculado á entidade desde finais de 2018 e, ata agora, era o responsable do departamento de Xestión Externa.

“Asumo este cargo cunha gran responsabilidade porque substituír a Martínez co seu éxito total de liderado supón un reto que me fai preguntar se estarei á altura dunha figura como el”, indicou Santamaría, engadindo que pretende dar continuidade “aos proxectos que el puxo en marcha”.

Este nomeamento prodúcese precisamente un mes despois do falecemento de Iván Martínez, quen foi presidente do Banco de Alimentos de Vigo durante o últimos tres anos.

O novo presidente subliñou que os próximos meses serán “moi importantes” para a Fundación, coa previsible entrada en vigor da Lei do Desperdicio Alimentario. Ademais, aínda se segue notando a extinción dos fondos europeos. Ambas as cuestións “poderían supor que a viabilidade do Banco puidese estar en dúbida”.

O seu nomeamento coincide no tempo no que a organización prepara a Gran Recollida dos próximos 22 e 23 de novembro, a campaña de maior envergadura e na que participou durante sete anos consecutivos como coordinador de supermercados.