A Can We Run é unha carreira con mascotas moi especial e que xa visitou este ano Xixón, Zamora, Benavente, Málaga e Alicante; e esta fin de semana achegouse a Vigo para encher o parque de Castrelos nunha emocionante xornada de deporte, saúde e agarimo polos nosos mellores amigos.
O evento contou cunha carreira conxunta entre cans e os seus donos e demostracións coma as de ADA, agrupación que se encarga de intervencións asistidas con animais, como indican as súas siglas.
Pero por riba de todo a maior demostración foi a do agarimo e o respecto por estes fabulosos animais.
Que, dende logo, corren máis ca nós…
O alcalde de Vigo, Abel Caballero, estivo presente na entrega de premios.
Velaquí o resto de fotografías do evento que sacou o noso fotoxornalista Miguel Núñez:
