O aeroporto de Peinador recuperará a ruta con Valencia para a próxima tempada de outono-inverno, con dous voos semanais, desde o 27 de outubro e ata o 29 de marzo, segundo confirmou o alcalde, Abel Caballero, nunhas declaracións remitidas aos medios.

Segundo manifestou o rexedor, a compañía Air Nostrum conectará Vigo con Valencia os luns e os venres, con saída desde Valencia ás 8,45 horas e desde Vigo ás 11,00 horas.

Esa liña xa operou con subvención municipal pero agora farao “a mercado”, co que “Vigo mostra o poderío que ten de xerar voos”. Mentres, volveu a repetir Caballero, “a Xunta segue pagando voos desde Santiago e facéndolle competencia desleal a Vigo”.