O Concello de Vigo ampliará o servizo da protectora municipal de animais a partir de setembro, segundo anunciou o goberno local tras reunirse o alcalde, Abel Caballero, cos responsables deste organismo.

En concreto, mensualmente o Centro Municipal de Protección Animal acolle a 240 cans e a 140 gatos que xeran un importante volume de traballo.

Por iso, o centro do Concello contará con servizos veterinarios, de lacería e de coidados durante as 24 horas do día, incluíndo domingos e festivos.

Caballero agradeceu á actual protectora o seu traballo realizado ata agora polo benestar dos animais da cidade.