Axentes da Policía Local deron o alto na véspera deste festivo do Día de tódolos Santos ao condutor dun turismo da marca Mercedes C220 tras unha infracción de tráfico, comprobándose que no vehículo viaxaban catro homes.
Os feitos tiveron lugar ás 01:25 horas na rúa Espedrigada, á altura do numero 159. Os policías, da sección G.O.A., no momento de entrevistarse co condutor sospeitaron que puidese conducir con presenza de drogas no organismo, polo que foi convidado a realizar o test indiciario salival, no que deu un resultado positivo en cocaína.
Os actuantes interviron certas doses da devandita substancia, a cal ao parecer sería utilizada para consumo propio, polo que se realizaron dúas denuncias ao Subdelegado do goberno por ese motivo.
O condutor quedou encartado en dilixencias xudiciais por un presunto delito contra a Seguridade Viaria por conducir carecendo de permiso de conducir trala pérdida total de puntos asignados, sendo retirado o turismo por un guindastre ao deposito municipal ao non haber condutor substituto habilitado
Ademais, ás 02:40 horas a madrugada do martes localizárase a outro condutor dun turismo que tamén carecía de permiso de conducir. Os feitos tiveron lugar na confluencia da Travesía de Vigo con Coutadas, tratándose dun home de 47 anos de idade, motivo polo que se procedeu á inmovilización do vehículo.
Tamén foi encartado en dilixencias xudiciais o condutor dun turismo de 33 anos de idade. Os feitos ocorreron sobre as 01:30 horas da madrugada do día deste mércores na estrada de Miraflores. Axentes desta Policía Local deron o alto ao condutor do vehículo ao cometer unha infracción de tráfico, e tras iso comprobaron que carecía de permiso de conducir.
