O Concello de Vigo venderá o vindeiro martes, día 6 de agosto, as entradas para o concerto de Melendi no auditorio de Castrelos.

Segundo anunciou o alcalde, Abel Caballero, os 5.000 pases para acudir á platea estarán dispoñibles a partir do martes, mentres que gozar da actuación na bancada será gratuíto.

En concreto, como vén sendo habitual, venderanse 2.000 pases a partir das 09.00 horas de forma presencial nos despachos de billetes de Castrelos, así como 500 na web do Concello. O mesmo ocorrerá a partir das 16.00 horas.