O BNG de Vigo denunciou que o alcalde, Abel Caballero, eliminase o acto institucional do Día de Galicia de forma “sectaria”, a pesar de que levaba celebrando na cidade máis de dúas décadas.

Nun comunicado, o portavoz nacionalista, Xabier Pérez Igrexas, lembrou que en 2023 tampouco se realizou, “sen dar ningunha xustificación, despois de atrasalo ao mes de setembro”.

“E vemos como este 2024 directamente o alcalde fai coma se o acto nunca existise, sen tan sequera informar á xunta de portavoces con clara aleivosía e clandestinidade”, afeou Igrexas.

Os nacionalistas criticaron que o rexedor se negue a conmemorar cun acto institucional o 25 de xullo, unha data na que se celebra “o orgullo de ser galegos e a nosa identidade como pobo e nación”.