As entradas para o concerto de Vetusta Morla e Xoel López no auditorio de Castrelos de Vigo sairán á venda o vindeiro luns, día 29 de xullo, segundo anunciou o alcalde, Abel Caballero.

Como vén sendo habitual este verán, o Concello ofrece 5.000 pases para a platea do auditorio, mentres que o resto das persoas que queden sen reserva poderán acudir de forma gratuíta á bancada.

En concreto, 2.000 entradas sairán de forma presencial nos despachos de billetes de Castrelos a partir das 09.00 horas e outras 2.000 ás 16.30 horas. Na web, 500 estarán dispoñibles á mañá e outras 500 á tarde. Antes, este venres, día 26, estarán dispoñibles as entradas para Víctor Manuel.