Albergar a Biblioteca do Estado é un soño para Vigo e os seus cidadáns, mais os acordos políticos non chegan no Pleno municipal, cos votos en contra ao proxecto actual do PP vigués, que sinalou como “levamos xa sete proxectos e ningún se levou a cabo”.
Desde o partido encabezado por Elena Muñoz acusaron de hipocrisía aos socialistas, e mesmo reproduciron na cámara un audio do ministro de Cultura, José Girao (trala eliminación de Máxim Huerta), que segundo defenden os populares demostra a ‘falta de compromiso’ de Sánchez e os seus ministros na finalización do tan esperado proxecto.
Pola súa banda, desde o PSOE acusan a Feijóo de paralizar as obras da Biblioteca, “mentres largan millóns para a cidade da Cultura, nunhas partidas que nunca darían a Vigo, ao que só lle poñen trabas”.
Marea de Vigo falaba da necesidade dun ‘consenso’ entre todos os grupos, e que “sempre estarían a favor dun proxecto como este en Vigo, sexa onde sexa a obra, pero o consenso nesta cidade é imposible”.
Outros temas debatidos foron a moción de censura a Almuíña, conselleiro de Sanidade da Xunta, trala crise de Povisa, ou o centro de saúde de Bouzas.
