Unha persoa resultou ferida ao saírse da vía e envorcar co seu coche na A-55, ao seu paso por Mos, mentres que outras dúas persoas que viaxaban no vehículo resultado feridas.

Segundo informou o CIAE 112 Galicia, o suceso tivo lugar ás 23,30 horas, cando un particular que circulaba polo punto, o quilómetro 12 da A-55 en sentido O Porriño. O 112 explicou que, aínda que o primeiro alertante non puido precisar se había feridos, outras chamadas explicaron que o vehículo puña en risco a circulación do resto de vehículos.

De inmediato, os xestores do 112 Galicia solicitaron a colaboración do persoal de Urxencias Sanitarias de Galicia-061, da Garda Civil de Tráfico, do GES de Mos e dos servizos de mantemento da autovía. Á chegada dos servizos de emerxencias, as persoas xa conseguiran saír a través dunha dos portelos do coche. De feito, unha delas chamou ao 112 Galicia a fin de solicitar asistencia sanitaria para un dos implicados, ferido na cabeza e que foi evacuado ao Hospital Álvaro Cunqueiro.